يـا أمِّـي ضـمِّيـني
ــــــــــــــــــــــــ
إدموعك عليَّـا أدرفي يا عينــــي ــــــــ بعد صاحـبي إنساه الغَلاَ وإنسيني
*****
أدرفي بأزيــاده ـــــــــــــــــــــــــــــــــــ علـى مْحـبتـي لِـولـد سيدْ أنــــداده
لـوَّعْ الخاطر جــــرح قـلـبي زاده ـــــــ وخلَّـى العـقـل محـتار وأمشـقِّيـني
*****
أدرفي وصـبِّـيهم ــــــــــــــــــــــــــــــــ واللي نسوا حبّك خلاص أنسيهــــم
وربي الكريم إنشا الله إيجازيهـــم ـــــــ على كَوِيتِيي بْمشهاب وسط كنِيني
*****
أدرفي دمـعاتـك ــــــــــــــــــــــــــــــــــ ولِ الله أدعـي تنـمـحِي سيَّــاتــــكْ
وأتعـاودي إتعيشي جميـل حياتك ـــــــ وتـتْريحي يــا النفس وإتـهنِّينــــــي
*****
أدرفيــها أدموعــك ــــــــــــــــــــــــــــ بالك أتخـفف لك شقــاك وروعــــك
وتنسي غـلاَ دمّـر كيانه نـوعـك ـــــــ ولأمـك تْـقولي يا أمـي ضمِّيــنـــي
*****
وإتـقولـيـلها يا أمِّـيمــهْ ـــــــــــــــــــــــ في الحـب يا أمِّي طلَـعْت غـشيمـه
ومن اليوم بينـسمع كلامك ديمه ـــــــ واللي شـبحتــه يا أمِّـي يكــفِـينـــــي
*****
يــا أمّشي خلاص التوبهْ ـــــــــــــــــــ وأنا شـيرتي كانت قـبل مـدهـوبـــه
بحرالهوى عومهْ نحساب ألعوبه ـــــــ وهو مصعـبهْ قبـل العمر عِشْـريـنِ
ــــــــــــــــــــــــــــــــــــ
منيرتاج الدين منير
8 - 2 - 2012
السبت سبتمبر 15, 2012 9:24 pm من طرف منيرتاج الدين
اليومية
