طويله تدّرّح دهواري
ــــــــــــــــــــــــــــ
طويله يحرك فيها الواري.....كـيف الساري.....ريتهـا تدّرّج دهواري
ــــــــــــ
طويله يحرك فيها الريــح..........بابــور إمعـبـــي بأبضاعــه
ثابتـه ماهيشي بأطـيــــــح..........أغزيّل سمح وزينه أطباعه
قمـر بالحق وشيْ صحيـح..........نـزلت تتمشى في القاعــــه
بنت عليهـا قـد ملــيـــح..........ريته جاء قـــدوي يدّاعـــــه
قـلبي غــرّد دار ضبيــــح..........وعقـلي خذاه مليح إدراعــه
وعيني صارت تبي تميح..........قدى زول رقـيقات أصباعه
البنت اللي خـلّتني جريح..........دايـخ قلبي كثــروا أوجاعه
قال يبي معـاها تبحبيح.....يريد سهاري.....مع صيفتْ ساكن لبراري
ــــــــــــ
طويله وما ليهاش مثيــــل..........علـيها إسم الله من الحســاد
شعـرها أمظـلم كيف الليل..........نبي إنـدير معالها مـيعــــاد
اللي من شفّـتها بـيســــيل..........عـسـل صافي فات المعـتاد
أما عضلها مْفصل تفصيل..........وإمشعـل نار وسط لفّـــــاد
وصدر وقف داير تضلـيل..........كما خيمـه شدوهـا أوتــــاد
وخدها برق إيبن شعـيـــل..........قـدى لجـبال وسيله هـــاد
إبـنيّـــه ما ليهاش مثيـــــل..........وشعري فيهـا ماهـو ســاد
واللي نْـقوله علـيـها قـلـيل..........خـلتـني من غـير أرقــــــاد
وعـارفهـا لـيا ما تمـيــل..........لكـن هـكـِّي المــــولى راد
وقلبي المسكين أمضيليـل..........مع الغيـّـه ما إيقــد أعـناد
والزينه أم القـد طويل.....أمشعله ناري.....ويا ريتها زوجتي في داري
طويله ما نعرفش إسماها..........إتلاقي فـيا كــل نهــــــار
ونطـلب من ربي يرعـاها..........مـن الحاسد واللي غــــــدّار
ويـنـصر ديـن اللـي رباها..........راجـل يسـتاهـل لاشكـــار
لحمهـا يتّـاكل وأعضـاهـا..........وما تنـحطـش فوق النــــار
موش غصب كله برضاها..........أم الرقـبه كـيـف الجمــــار
البـنت اللي ربي سـاواهـا..........وفصـلها وقسّمهـا أشطــار
العضله مع العضله خلاها..........بلا تربيط ولا مسمــــــار
جميله ما شاءالله محلاهـا..........فيــها يامـا قلت أشعــــار
ونتمـنى أبـروحها نـلقـاهــا..........أنخـبرها زينها شـــن دار
ولوسمحتلي أنمس عضاها..........أنـكب على خـدود النـوار
ونـلعب كيف إنريد معاها..........ولا تزعل لا إنديروا عـار
ونسألها شنـهــو شـقـــاهـــا..........وعن حال العيله والـــدار
وليه تخـدم ووينـه باباهــا..........أم عيون كحـل وأكبــــار
البنت اللي في وقت إنراها..........إتصيرلي تسهيبـــه ودوّار
ونبقى نتـلفـت يالاهــــــــا..........وهي إتــردلِّي في الثـــار
وتـتبسم وعيوني قـداهــــا..........وقـلبي والعــه فيه النــار
من اللي عـينها ما عـبّاهــا..........كـيلو من كـحـل العـطــار
وربي كل الزين عطاها.....وبْجاه الباري.....نـلاقيها ديمه في مساري
منيرتاج الدين منير
1994 م
السبت سبتمبر 15, 2012 9:24 pm من طرف منيرتاج الدين
اليومية
