كُونِّـي وثلاث مـرايم
ـــــــــــــــــــــــــــ
إستضافني أحد الأصدقاء في مدينة (أوباري) ، فذهبت معه
وبعدما دخلنا مكتبه ، إستدعى فتاة إسمها مريم ولكن جاءتـه
أخرى قصيرة القامة وجميلة حدا ، فسلمت علينا وقلت :
عبد اللـه يضـبح وإينـادي.......يـبّشي مـريـم قال إتجـيه
جاتـه وحـده وقالت عادي.......تفـضـل قول اللي تـبِّـيـه
قالـلْـها مـريــم مورادي.......قـالت يا مـريـم شـوفـيــه
ودخلت أم أعيون عوادي.......وصدر جديد أترقص فيه
وقـد إمساوي ماهو عادي.......إيخـبِّـل نظرك كان إتريه
وقالت مرحب ولد الوادي.......قـلت أهلا وإسمـك قوليـه
قـالت كُـنِّي عـلـيا نـــادي.......وهـاذا إسمي نادينـي بيــه
إبـنـيه كيف الـريم الهـادي.......إبـيرتع ربطوله كـرعـيه
وخطوه إسمعـنا من لبعـاد.......وقـف فكري إفحال التنبيه
أنا إطريلي مثل البوجادي.......وما إقدرت إعجابي نخفيه
وقت دخلت مريم هدهادي.......عضـلها سبحـان إمسـويه
إبنـيه كيف غزال الــوادي.......الشارد والـريح أمواتيــه
جميله وزينها فايت غادي.......وكيفها إنسيـه مـا فيــــــه
ولـو إتـريد الحـق فـــؤادي.......زولك يا مـريـم يـبغـيــــه
وعليها إسم الله من الحساد.......الـزينـهْ ، أم الفـكـر نبيــه
اللي شعلت في وسط أفادي.......سـامــر والمـاء ما يطفيه
اللي مْعـاها ما إتْحس كساد.......ومرضك بالبسمة تشفيــه
اللي صارت بوقت أرقادي.......إمعـايا ليـله باتقـضـيــــه
وتقـولـِّي هيا نمشوا غـادي.......بعـيـد قـدى زرع إبتسقيـه
عـروسه وعريس وكمادي.......قالت لعبي مـْعاهـا تبـيـــه
مخلوع أنوض من أوسادي.......نستاقض من حـلـم سفيــه
والمنيه إمعـاها نبي أرقادي.......وعـيـلنا هي اللي إتـْربيـه
ولكن عمري ماهـو إمقادي.......إنخاف الناس إيحاكوا بيه
ومـريـم ماهيش من أندادي.......لـكنتي هـواها شاهـيـــــه
إمعــاها نبي ناكـــل زادي.......وشاهـينا هي اللي إتساويه
والشيطـان إيقـوللي عــادي.......تـزوج ربـي إمحـلل فيــه
وأنـا حـايـر فكري شـرادي.......ونبي فـكره قلبـي إتزهيــه
منيرتاج الدين منير
ـــــــــــــــــــــــــــــ
السيلاوي ـ الغريفة
18 ـ 4 ـ 2004م
السبت سبتمبر 15, 2012 9:24 pm من طرف منيرتاج الدين
اليومية
