قصة (أبـقيرت أمنـا)

الحكايـة الأولى
*******

(أبـقـيرت أمـنا)
ــــــــــــــ

[ندعوك للتسجيل في المنتدى أو التعريف بنفسك لمعاينة هذا الرابط]

(( 1 ))
يا حـزاركـم يا مـزاركــم ....

** زمـان قالوا فيه راجـل ومــرا .. وكان عـندهم أولـيد وابـنية.....

قول يا سيدي بن سـيد المرا مـاتـت .. وخلت هاكه لوليد واخـته ....

ولبـنية أكـبر من لـوليد أشـويه ، زي ما إنـقولوا ..بـثلاث إسنين هكي ..

ولمـا ماتـت أمهـم ، قـعـد أبوهـم هو اللـي إيـعاني فيهـم ..ولكـن بوهم

عـنـده أسويـنيه ، إيـوه عاد إينوض يمشي

من الصبح بكـرى ..قول من البكره..لهاكه السوينـيه ، وإيخلي هادوكه

الصـغيويره راقـدين ..

إيه ضروري يمشي ..آيوه أمّاله..وكيف بيدير..قول يمشي لهاذيك السوينيه ،

يقـعد فيـها ليـعـند الضحــى

..إ..يعـني يـنزحـها .. وبعـدين إيـوللي لولاده ..

وقـول يا سيدك بن سيد .. إينوضهـم من النوم ، وإيفطرهم ..شـنــو

إيـفطرهم يا ودي ..هما إتمـيرات ومــرات

يبدى عـنـده (قـليـّه) يعـطيهم منها والا إيـديرلهم (إحـسي إمتاع قـصب)

يعـطـيه لـيهم هو لـول باش ما يحركهم الـتمر..اللي هو وين..جاي يخطم

على (العـقالي) .. عقالي التـمر إيجيب منها..

المـهـم ..قول عاد .. إيـفطـرهاكـه لولـيد ولـبـنيه ، وإيقـوللـهم ..هيا يا

أولـيداتي هيا.. السواني إتراجي فـيـنا ..

وإيـوللي لهاكه السـويـنـيه ..يـقـعـد(إيـخـترش) فـيها .. وهاكه الصغيويره

يلـعـبوا بحـداه ..

ومـرات إيـقـول للـبـنيه ..بري ديـري ها الحاجـة أديرها ..ولكـن هي

أصغـيرة وحتى السْقـايه ياودّي مازال ...

مازال أصغـيره ماتعرف إتـسـقي ..ولكـن إكانـهي حاجـة ساهـله

إديرها .. ومرات اتوللي لبوها تبكي ..

وكان كل مـا يسـألها خـيرك ؟ .. شنويا بـنـتي مالك ..خـــيرك .. ؟

مـا أتـردش عـليـه ..!!!!!!!!

يـتــبـع ....( 2 ) إنشاء اللـه ،

منيرتاج الدين منير
ـــــــــــــــــــــــــــــ
السيلاوي ..الغريفة

باهي هذه بداية القصة

ولكن وين عقابها